كلمتين عالسريع
احنا ليش مع الإعدامات ؟

بقلم/سعيد الطويل

من الآخر حقك تكتب رأيك لكن مش من حقك تعمل حالك شيخ وتفتي بشرع الله
حقك تتعاطف وتتأثر بس مش على حساب السلم المجتمعي وحقوق الغير ..

قرأت من مبارح لليوم كثير آراء بخصوص موضوع الاعدامات الأخيرة إللي تنفذت وانها كلها خارج إطار القانون ،على أساس انه المجرمين إللي نفذوا جرائمهم كانوا جوا برواز القانون .

وشفنا أشكال وألوان من الحكي ..
هذا بده يراضي المؤسسات الدولية والثاني بده يكتب عشان ينشهر والثالث مش فاهم الطوشة بس نسخ منشور ولصقه ع صفحته

لو حابب تعرف مين إللي تم اعدامهم

▪︎واحد مجرم قتل وخطف واغتصب الفتاة
” لمي أبو لمضي” قبل 19 سنة تقريباً ولليوم مش معدوم !

▪︎الثاني خطط ودبر وترصد وقتل مقتل الصراف المسن أمين شراب شوفوا التفاصيل تعتها حيقشعر بدنكم

▪︎والثالث عشان مشكلة صغيرة مع نسايبه سحب سلاحه وقتل عمه وبنته في جباليا وصاوب كمان أكثر من 10 تانين وقبل اشهر قتل واحد مريض نفسي صح دفاع عن النفس لكن استخدم برضه السلاح بالقتل كان بامكانه اطلاق النار مثلا لمنع حركته

▪︎واثنين متخابرين مع الاحتلال يعني عملاء واحد منهم مرتبط من 30 سنة والاثنين كاينين شغالين بذمة وضمير

إللي صار لازم نأيده ،لأنه طفى نار قايدة من سنين بقلوب أهالي الضحايا والشهد..اء
وريح أهاليهم من ثأر وانتظار وترقب

وبالنهاية أهالي بعض القتلة طلبوا العفو وما حد وافق ، فالعفو بالرضا وليس بالاكراه..

حمى الله شعبنا من كل سوء