” بقفل على نفسي الأوضة وبنهار” … أحمد زاهر يتحدث عن مرض ابنته “نور”

تأثر الفنان أحمد زاهر خلال حديثه عن أصغر بناته نور والمرض الذي ورثته منه.

وخلال لقائه في برنامج “منا وفينا” مع هبة حيدري عبر قناة “المشهد” قال أحمد زاهر: “جالي مرض في الغدة وكنت في حالة صعبة أوي وباخد دواء مدى الحياة، بنتي نور الصغيرة اكتشفت أن جالها الغدة الدرقية لأني خلفتها بعد المرض، أنا كنت بموت وبلوم نفسي لأن أنا السبب، هو كله قدر ولكن إحساسي أنا اللي ورثتها المرض بيوجعني أوي.

وتابع أحمد زاهر ليتحدث عن المرض وابنته: “الأعراض المشتركة بيني وبينها أول حاجة زيادة الوزن أنا وزني كان وصل لـ185 كيلو، وهي عندها وزن زايد بسبب المرض، ولما تيجي تعيط بتتخنق وصوتها بيروح وبتوجع قلبي وكل ما أشوف دا أقول أنا السبب وأدخل الأوضة أقفل على نفسي وأنهار لأن فعلا أنا السبب يعني أنا لو ما كانش جت الغدة قبل ما أخلفها ما كانتش جت لها”

وأضاف أحمد زاهر: “بوديها لدكاترة وبشوف الأدوية ولما لقيت الأدوية مش بتعمل حاجة بروح لدكتور تاني وبدأت تخس شوية”