ماجد المهندس ينفي أخبار طلاق أصالة وفائق حسن

بطريقته الخاصة رد الفنان ماجد المهندس على الشائعات التي انتشرت حول انفصال الفنانة أصالة عن زوجها، مدير أعماله الشاعر فائق حسن.

وفي الحفل الذي أحياه في دبي قال ماجد المهندس عن أصالة وزوجها: “أبو خالد وأصالة باقيين على عناد العواذل، أبو خالد وأصالة بينهم حب كبير وحب أبدي الله، الله يخليهم لبعض”.

وكانت انتشرت أخبار انفصال أصالة عن زوجها منذ أيام، وفضل الثنائي الصمت وعدم الرد على هذه الأخبار.

على جانب آخر، احتفلت أصالة بعيد ميلاد نجليها “آدم وعلي” وكتبت في رسالتها لهما: “وحياة الله مرات لما بتطلع بعيون علي وآدم بشوف فيهم كل النعم اللي الله أنعمها عليا، علي عليني هالمتربي من عند ربي ونحنا يادوب بدنا نوجهه بلاقيه عارف وجهته هيك شبه رجل نبيل محترم مابيطلع منه الغلط وكله منطق وكله حكمة وبيفهم بكل شي وبيسمع وعنده رأيه وعنده مشاعر فياضة وبيسبق طموحي فيه وطيب ودمه خفيف ومتلي بيعشق المشاعر وطول الوقت بنتغازل وشاطر كتير عالبيانو وأنا وعلي لحالنا عنا قصة أحلى قصه لابن وأم عم يتنافسوا عالحكمة وعنا قرارات وقوانين بنرسمها لحالنا نحنا الاتنين والكل بيمشي عليها”.

وتابعت أصالة: “وأدومي شو هالأدومي شو قلكم دومي اللومي اللي سكنت بساتين الدنيا كلها بعيونه وعنده إرادة وصار جسمه رياضي وعنده كتير هوايات بالرياضة وشاطر كتير بمدرسته ومابيحب حدا يبوسه مع إنه عاطفي كتير وبيعمل أكله بنفسه وكتير نفسه حلو متل قلبه الحلو وخدوده الحلوة، اليوم عيد ولادي ويحفظ حبايبكم كلهم وكل الطيبين وادعوا لي لعلي وآدم سنينهم كلها حلوة وهما حلوين وتكون الدنيا حلوة وكلنا حلوين”.