غادة عادل: فكرت في الاعتزال بسبب الفيلر اللي عملته وباظ

حكت الفنانة غادة عادل فن فترة فكرت فيها في الاعتزال بسبب “فيلر” كانت حقنت به وجهها.

وقالت غادة عادل خلال لقاء في برنامج “صاحبة السعادة” مع إسعاد يونس: “الفيلر دا أوحش حاجة في الدنيا سنة 2007 كنت بعمل مسلسل “قلب ميت” وقتها كنت لسه صغيرة مش محتاجة بس كنت خاسه أوي، الستايلست قالتلي ننفخ شوية الخد وكنت عمري ما عملت حاجة خالص في حياتي معرفش أصلا يعني إيه دكتور تجميل، رحت وحطلي حاجة في خدي وحسيت إني عندي نضارة عملت مرة فيلر وخلاص وبعدين قعدت فترة ألاقي حاجة طالعة في وشي مش عارفة دي إيه أروح لدكاترة يعملولي ليزر ومش عارفين”

وتابعت غادة عادل: “بعدها بكذا سنة سافرت إنجلترا وروحت لدكتور سألني إنتي عامله فيلر؟ قلتله لا وأحلف إني مش عاملة أنا مش بكذب أنا عملت من سنين وفاكراه بيروح، عمل أشعة طلع الدكتور حطلي “فيلر” بيفضل مش بيدوب، الدكتور ظبط الدنيا”.

وأكملت: “بعدها حصل تليف والفيلر باظ خالص، ربنا ألهمني وقابلت دكتور طيب وقالي عشان يشيل الفيلر لازم أعمل تجميل في الوش والحمد لله مغيرتش حاجة في شكلي ورجعت زي الأول”.

واختتمت غادة عادل حديثها: “هقولك على سر في عمل معين عملته وكان حصل التليف دا قررت اعتزل لأن أنا مش حابه أشوف نفسي وبتفرج على نفسي وأنا مش مبسوطة، إنجي علي صديقتي قالتلي ممكن متقوليش ومتعلنيش”.

يذكر أن غادة عادل عرض لها مؤخرا فيلم “فاميلي بيزنس”، من بطولة محمد سعد وغادة عادل ودنيا سامي وهيدي كرم وأحمد الرافعي ومحمود عبد المغني وأسامة الهادي، ومن تأليف ورشة 3Bros وانتاج محمد رشيدي رشيدي فيلمز وإخراج وائل إحسان.